«KazBeef Processing» qasaphanasy sertıfıkattaldy (FOTO)

Búgin soltústik óńirdegi iri qasaphanalardyń biri «KazBeef Processing» kásiporny «QMDB Halal» standarty boıynsha sertıfıkattaldy.

Jergilikti ınspektor-kontroler men veterınar isi mamandary qasaphanada baqylaý-qadaǵalaý sharalaryn júrgizip, qasapshylarǵa «Sharıǵat jáne halal standarty boıynsha mal soıý, et óńdeý» taqyrybynda arnaıy oqý-semınar ótkizdi.

Birlese júrgizilgen jumys qorytyndysy boıynsha, qasaphanaǵa «Mal baýyzdaý jáne et óńdeý», «Halal ónimderdi óndirý, óńdeý, daıyndaý, saqtaý, tasymaldaý, satý standarty» talaptary boıynsha «QMDB Halal» sertıfıkatyn tabystaý jóninde sheshim qabyldandy.

«Halal Damý» dırektory Aıbek Asqarbekuly «KazBeef Processing» qasaphana basshylyǵyna «QMDB halal» sertıfıkatyn tabystap: «Tutynýshylardy taza, adal et ónimderimen qamtamasyz etý arqyly, halal ındýstrııasyn damytyp, shet elge aýylsharýashylyq ónimderin Eksporttaýǵa mol múmkindik ashylady.  Osy jolda birlese adal eńbek etemiz dep senemin» dep halaldyń mańyzdylyǵyn túsindirip, aldaǵy ýaqytta mindetti aılyq tekseris jumystary júrgizilip turatynyn jetkizdi.