«IMANI JAZ – 2025»: QURAN SEKTORYNYŃ MEŃGERÝShISI ShÁKIRTTERMEN KEZDESTI (FOTO)

Astana qalasyndaǵy «Áziret Sultan» meshitinde ótip jatqan «Imanı jaz – 2025» jazǵy saýat ashý kýrsynyń shákirtterine arnalǵan taǵylymdy kezdesý ótti.

QMDB Quran sektorynyń meńgerýshisi Serik qarı Ahmet meshitke arnaıy kelip, jazǵy kýrstyń búldirshin shákirtterimen júzdesti. Kezdesý barysynda shákirtter Quran ilimi men qarılyq jolyna qatysty kókeılerindegi saýaldaryn qoıyp, áserli suhbat órbidi.

Shara barysynda suraq qoıý tizginin «Áziret Sultan» meshitiniń naıb ımamy Mahmud Qasym júrgizip, balalar men qonaq arasyndaǵy dıalogqa dáneker boldy. Suhbat barysynda Serik qarı kez kelgen ilim úırený jolyndaǵy qıyndyqtyń ýaqytsha ekenin atap ótip, óziniń Qurandy ıgerý jolynda kezdesken qıyndyqtary men qyzyqty oqıǵalaryn bólisti. Sonymen qatar, Quranǵa degen súıispenshilik, Allanyń kálamynyń ǵajaıyptary men qarılyqtyń mańyzy jaıly mazmundy oılar qozǵaldy. Kezdesý sońynda Serik qarı Ahmetke meshit atynan estelik syılyq tabystaldy.

Bul – jazǵy saýat ashý kýrsy aıasynda uıymdastyrylǵan sabaqtan tys taǵylymǵa toly kezekti is-shara boldy. Mundaı kezdesýler shákirtterdiń rýhanı dúnıetanymyn keńeıtip, Quranǵa degen qurmetin arttyra túsetini sózsiz.