Erikti jannyń erligi: Umra qajylyǵyna joldama aldy (FOTO)
Bas múftı Naýryzbaı qajy Taǵanuly Shyǵys Qazaqstan oblysyna jasaǵan resmı sapary barysynda Tarbaǵataı aýdany Aqjar eldimekeninde boı kótergen qaıyrymdylyq mekemesiniń ashylý rásiminde atalǵan oqý orny ǵımaratynyń qurylysyn júrgizgen Erbolat Doldabaevqa aıryqsha alǵys aıtyp, umra qajylyǵyna joldama berdi.
Erbolat Doldabaev – Tarbaǵataı aýdandyq «Baıjigit baba» meshitine turaqty kelýshi jamaǵattyń biri. Ol meshit janynan ashylǵan qaıyrymdylyq mekemesiniń qurylysyn júrgizip, tolyq bitirgen.
Erikti azamattyń erligine rızashylyq bildirgen Bas múftı Naýryzbaı qajy Taǵanuly: «Ár azamat ıgi iske qoldan kelgenshe úles qosady. Qurylys salasynan habary bar Erbolat baýyrymyz qaıyrymdylyq mekemesin salýǵa erekshe úles qosty. Alla razy bolsyn! Bul elimizdiń ósip-órkendeýine qosylǵan úles dep esepteımin. Óıtkeni osy mekemeden dinı hám zaıyrly bilim alyp shyqqan ımandy, otanshyl jastarymyz erteń-aq elge, dinge qyzmet etetin bolady. Alla sol kúnge jetkizgeı! Ámın!» dedi.
Aıta ketsek, qaıyrymdylyq mekemesinde bir mezette 30 oqýshy dinı hám zaıyrly bilim alady. Sonymen qatar Quran jattamaq.
