ELORDALYQ IMAMDARǴA QAJYLYQ BÓLIMI BOIYNShA SEMINAR ÓTTI (FOTO)

«Áziret Sultan» meshitinde Astana qalasynyń bas ımamy Erbolat Nuryldaulynyń basshylyǵymen elorda ımamdaryna qajylyq bólimi boıynsha semınar ótti. 

Jıynda QMDB Qajylyq bóliminiń Astana qalasy ókildigi boıynsha jaýapty mamany Tamırlan Darhanuly uly qulshylyq sapary jaıly tyń málimetter berip, qajylyqty nasıhattaý jumystaryn ókildik kóleminde nasıhattaý boıynsha túsindirý jumystaryn jandandyrý qajettigin aıtty. Sondaı-aq, QMDB janynan qurylǵan resmı qajylyq operator – Tawaf Travel kompanııasynyń qyzmeti de keńinen nasıhattaldy.

Jıyn barysynda qajylyqqa daıyndyq kezeńderi, qajylyq saparynyń talaptary men erejeleri, qajylyq kezinde oryndalatyn rásimder jan-jaqty túsindirildi. Sonymen qatar, ımamdardyń jamaǵat arasynda qajylyqty durys nasıhattaý, qajylyqqa barýshylarǵa rýhanı ári praktıkalyq turǵydan qoldaý kórsetý mindetteri aıtyldy.

Semınarǵa qatysqan ımamdar ózara tájirıbe almasyp, qajylyq maýsymyna daıyndyq jumystaryn pysyqtady. Qajylyq bóliminiń mamandary tarapynan naqty usynystar men ádistemelik quraldar usynylyp, qajylyq qyzmetiniń sapasyn arttyrý joldary qarastyryldy.

Jıyn sońynda Astana qalasynyń bas ımamy Erbolat Nuryldauly semınardyń mańyzdylyǵyna toqtalyp, ımamdardyń qajylyq maýsymynda belsendilik tanytyp, jamaǵatpen tyǵyz baılanysta bolý qajettigin erekshe atap ótti.

Источник: Aisha