Elordada meshit jamaǵaty 350 otbasyny qýanyshqa bóledi
«Nur Astana» meshitiniń ujymy men jamaǵaty birlesip 350 muqtaj otbasyna azyq-túlik qorabyn taratty.
Ramazan aıynyń sońǵy kúninde «Júrek jylýy» qaıyrymdylyq aktsııasynyń aıasynda kópbalaly jáne muqtaj otbasylarǵa azyq-túlik jáne sıyr eti taratyldy. Meshit janynan uıymdastyrylǵan ıgi sharaǵa QMDB Dinı ońaltý bóliminiń basshysy Qanat Alshynbaı, Nur-Sultan qalasynyń Din máselelerin zertteý ortalyǵynyń dırektory Arman Pırzadaev, «Áziret Sultan» meshitiniń naıb ımamy Dinmuhamed Smanov jáne «Nur Astana» meshitiniń bas ımamy Nurlan Ramazanov qatysty.
«Adamdardyń eń qaıyrlysy ózgege paıdasy tıgeni» dep hadıste aıtylǵandaı, Bas ımam Nurlan Ramazanov osy sharanyń júzege asýyna atsalysyp, kómek qolyn sozǵan meshit jamaǵatyna alǵysyn bildirdi. Karantın jaǵdaıyna baılanysty azyq-túlik qoraby tuqtaj otbasylardyń meken-jaılaryna jetkizildi.
Aıta keteıik, «Nur Astana» meshiti buǵan deıin de «Júrek jylýy» aktsııasynyń aıasynda qaıyrymdylyq sharalaryn uıymdastyrǵan bolatyn.
