Elimizdiń birqatar óńirinde tasattyq namazy oqyldy (FOTO)
Jaz mezgilindegi qýańshylyqqa baılanysty Bas múftı Naýryzbaı qajy Taǵanulynyń bastamasymen elimizdiń birqatar óńirinde tasattyq (ıstısqa) namazy oqylyp, qurban shalyndy.
Atap aıtqanda, Atyraý, Aqtóbe, Qyzylorda oblystary men Semeı óńirinde aýyldyq jerlerde qurban shalynyp, duǵa jasalsa, Mańǵystaý oblystyq ortalyq «Beket ata» meshitiniń aýlasyna jınalǵan jamaǵat tasattyq namazyn oqyp, duǵa tiledi.
El men jerdiń berekesin surap, beıbitshiligin tilegen ımamdar men turǵyndar osylaısha Bas múftı bastamasyna ún qosty. Sondaı-aq ımamdar jamaǵatqa jaýyn tileý maqsatynda oqylatyn ıstısqa namazynyń mán-maǵynasyn túsindirip ótti.
