DINI BILIM JÁNE KADR DAIYNDAÝ BÓLIMI BOIYNShA ASTANA IMAMDARYNA SEMINAR ÓTTI (FOTO)

Astana qalasynyń bas ımamy Erbolat Júsipovtiń basshylyǵymen elorda ımamdaryna Dinı bilim jáne kadr daıyndaý bólimi boıynsha semınar ótti.

Semınar aıasynda QMDB Dinı bilim jáne kadr daıyndaý bóliminiń mamany Jańabaı Qojın arnaıy baıandama jasap, dinı bilim berý júıesindegi jańashyl baǵyttar men kadrlyq áleýetti arttyrý joldary jóninde keńinen toqtaldy.

Semınar ashyq pikir almasý alańyna aınalyp, qatysýshylar QMDB tarapynan qolǵa alynyp jatqan din qyzmetkerleriniń kásibı deńgeıin arttyrýǵa jáne dinı bilim sapasyn kóterýge baǵyttalǵan mańyzdy aqparattar aldy.

Astana qalasynyń bas ımamy Erbolat Júsipov óz sózinde: «Imam – tek dinı rásimdi oryndaýshy ǵana emes, qoǵamnyń rýhanı ustazy. Sondyqtan árbir din qyzmetkeri bilim men biliktiligin úzdiksiz jetildirip otyrýy tıis. Bul baǵytta Qazaqstan musylmandary dinı basqarmasy barynsha qoldaý kórsetip keledi», – dep atap ótti.