Dinı basqarma qyzmetkerleri qurban shalyp, duǵa tiledi (FOTO)
Bas múftı Naýryzbaı qajy Taǵanuly bastaǵan Dinı basqarma qyzmetkerleri respýblıkalyq «Áziret Sultan» meshiti aýmaǵynda qurban shalyp, Otan qorǵaý jolynda opat bolǵan sarbazdarymyz ben tártipsizdik saldarynan qaza tapqan beıbit turǵyndardy Alla rahmetine bólesin dep duǵa tiledi.
QMDB Tóraǵasy marqumdardardyń artynda qalǵan týystary men jaqyndaryna kórkem sabyr, jaraqat alǵan jandar úshin Alladan shıpa surady. «El basyna qıyndyq týǵan mundaı sátterde babalarymyz qurban shalyp, Alladan medet suraǵan bolatyn. Elimizde bolǵan tártipsizdiktiń saldarynan qanshama otbasy qaıǵy jamyldy. Sondyqtan mundaı qıyn kezeńde qurban shalyp, Jaratýshy Iemizden medet suraǵanymyz abzal», – dedi Bas múftı.
