Call-ortalyq 1000-nan astam oqyrman saýalyna jaýap berdi

Táýlik boıy jumys isteıtin QMDB-nyń Call-ortalyǵy maýsym aıynyń qorytyndy esebin jarııalady.

Ortalyq mamandarynyń aıtýynsha, osy aıda ortalyqqa 1171 qońyraý shalynǵan. Turǵyndardyń 118-i – oraza,  286-sy – qulshylyq, 196-sy – otbasy, 25-i –  teris aǵymdar, 178-i – nesıe-qaryz, saýda-sattyq, qalǵan 368-i ártúrli taqyryptaǵy suraqtar boıynsha habarlasqan. Odan bólek ortalyqtyń áleýmettik jelileri arqyly da birneshe suraq qoıylǵan.

Eske sala keteıik, Bas múftı Naýryzbaı qajy Taǵanulynyń bastamasymen naýryz aıynda QMDB Ortalyq apparaty janynan Dinı aqparat ortalyǵy ashylǵan bolatyn. Suraqtar týyndaǵan jaǵdaıda Dinı aqparat ortalyǵyna (call-center) habarlasýǵa bolady. Ortalyqtyń bilikti mamandary táýlik boıy qazaq jáne orys tilindegi suraqtarǵa jaýap beredi.