BÓLIM MEŃGERÝShISI HALYQARALYQ KONFERENTsIIaǴA QATYSTY
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń tapsyrmasymen Dinı saraptama bóliminiń meńgerýshisi Nurlan Qaıyrbekov Ortalyqtandyrylǵan Islam dini uıymynyń shaqyrýymen RF Daǵystan Respýblıkasynda ótken halyqaralyq ǵylymı-praktıkalyq konferentsııaǵa qatysty.
«Dástúrli rýhanı-adamgershilik qundylyqtardy saqtaý jáne nyǵaıtý salasyndaǵy halyqaralyq yntymaqtastyqty belsendirý mehanızmderi» taqyrybynda uıymdastyrylǵan konferentsııa Mahachkala qalasynda ótti. Halyqaralyq jıynǵa arab-musylman álemi, Eýropa men Ortalyq Azııa elderinen, sondaı-aq Reseıdiń túrli aımaqtarynan delegattar qatysty.
Konferentsııa barysynda dástúrli reseılik rýhanı-adamgershilik qundylyqtardy qalyptastyrý kontekstinde bilim berý men mádenıet, BAQ-tyń Reseıdiń halyqaralyq arenadaǵy oń ımıdjin qalyptastyrýdaǵy róli, dástúrli reseılik rýhanı-adamgershilik qundylyqtardy saqtaý jáne nyǵaıtý salasyndaǵy halyqaralyq yntymaqtastyqty nyǵaıtýdyń dinı faktory, qazirgi geosaıası jaǵdaıdaǵy rýhanı-adamgershilik qundylyqtardy nyǵaıtýdaǵy ıslamnyń róli jáne basqa da mańyzdy dinı jáne halyqaralyq máseleler talqylandy.
Konferentsııada Nurlan Qaıyrbekov Bas múftı Naýryzbaı qajy Taǵanulynyń Daǵystan halqy men barlyq qatysýshyǵa sálemi men izgi tilegin jetkizdi. Sonymen qatar, bólim meńgerýshisi birneshe baıandama jasap, tómendegi taqyryptar boıynsha sóz sóıledi: «Bilim berý men mádenıet ıslamnyń dástúrli rýhanı-adamgershilik qundylyqtardy qalyptastyrý kontekstinde», «Sharıǵat negizderiniń jáne qazaq halqynyń dástúrleriniń toǵysýy», «Qazaqstandaǵy úsh satyly ıslamdyq bilim berý: Nur-Múbarak Islam mádenıeti ýnıversıteti negizinde».
Halyqaralyq konferentsııa joǵary deńgeıde, dostyq ári baýyrlastyq atmosferada ótti.
