BAS MÚFTI TÚRKIIaDAǴY «HASEKI» INSTITÝTYNA QABYLDANǴAN ShÁKIRTTERMEN KEZDESTI

Búgin Astana qalasynda Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Túrkııadaǵy «Hasekı» joǵary dinı oqý ornyna qabyldanǵan shákirttermen kezdesti.

– Ekijaqty kelisim aıasynda Túrkııa Respýblıkasyndaǵy «Hasekı» ınstıtýtynda 2013 jyldan beri stýdentterimiz bilim alýda. Mundaǵy oqý shyǵyndary tolyqtaı Túrkııa tarapynan óteledi. Atalǵan oqý ornyna Qazaqstan tarapynan 2013-2025 jyldar aralyǵynda 243 stýdent qabyldanyp, olardyń 139-y oqýyn aıaqtap elge oraldy. Olar búginde Dinı basqarma júıesinde qyzmet atqarýda. Qazirgi tańda 49 stýdent atalmysh oqý ornynda bilim alýda, – dedi Bas múftı.

Aıta keteıik, bıyl elimizden Nur-Múbarak Egıpet ıslam mádenıeti ýnıversıtetiniń 13 úzdik túlegi jáne óńirlerde qyzmet etip júrgen 20 tájirıbeli din qyzmetkeri osy oqý ornynyń qabyldaý emtıhanyna qatysty. Emtıhan nátıjesinde oqýǵa túsken talapkerler Túrkııanyń bedeldi dinı bilim ordasynda oqýyn jalǵastyryp, kásibı biliktiligin arttyrý múmkindigine ıe boldy.

​