BAS MÚFTI SAǴADAT AQSAQALǴA QAJYLYQQA JOLDAMA SYILADY

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly qaıyrymdy isi men ımandylyqtyń jarqyn úlgisin kórsetken 94 jastaǵy aqsaqal Saǵadat Jumabaevqa shynaıy alǵysyn bildirip, qajylyq saparyna joldama syılady. 

QMDB Tóraǵasynyń tapsyrmasymen Pavlodar oblysynyń bas ımamy Joldas Qospaquly múftııat atynan berilgen qajylyq saparynyń joldama sertıfıkatyn Saǵadat aqsaqalǵa arnaıy baryp tapsyrdy.

Aıta keteıik, Saǵadat Jumabaev Pavlodar qalasyndaǵy qarttar úıinde 13 jyldan beri turyp keledi. Týystary bolmaǵanyna qaramastan, ol ómir boıy qajylyqqa dep jınaǵan qarjysyn syrqat balasy bar analarǵa taratyp bergen edi. Qarııa 3 600 000 teńgeni 30 anaǵa bólip, árqaısysyna 120 000 teńgeden kómek kórsetken bolatyn.

​