Bas múftı Qurmanǵazy aýdany jurtymen júzdesti (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Atyraý oblysy Qurmanǵazy aýdanynda bolyp, jergilikti jurtshylyqpen kezdesti.
Aýdandyq mádenıet úıinde ótken kezdesýge jergilikti ákimdiktiń jaýapty qyzmetkerleri, ardagerler keńesiniń ókilderi, jastar men BAQ qyzmetkerleri qatysty.
Aýdan ákimi Marat Bısenǵalıuly alǵashqy sózdi Bas múftıge usyndy. Kezdesýde Naýryzbaı qajy Taǵanuly: «Qazaqstan musylmandary dinı basqarmasy óziniń kúndelikti jumysynda jeti baǵytqa basymdyq beredi. Sonyń biri – din men dástúr. Biz jastardy ımandylyqqa shaqyrýmen qatar olardy saltymyzdy saqtap, dástúrimizdi qurmetteýge úndep kelemiz. Óıtkeni, bizdiń dástúrimiz izgilik pen tárbıege tunyp tur. Sondyqtan biz óskeleń urpaqty dástúrge baýlýymyz kerek. Otbasyda jaqsy tárbıe kórgen ul men qyz eshqashan dini men dástúrine opasyzdyq jasamaıdy. Qoǵamda otbasy qundylyqtaryn qalyptastyrýǵa barshamyz úles qosaıyq», – dedi.
Kezdesýde aýdan ardagerleri kókeıde júrgen suraqtaryn Bas múftıge qoıyp, jaýap aldy. Sonymen qatar QMDB Tóraǵasyna dinı ahýaldy jaqsartýǵa, jastardy jat aǵymnyń yqpalynan arashalap alýǵa qatysty usynys-pikirlerin jetkizdi.
