Bas múftı Pavlodarda 235-páterdiń kiltin tabystady (FOTO)

Búgin, qasıetti juma kúni Qazaqstan musylmandary dinı basqarmasynyń tóraǵasy Naýryzbaı qajy Taǵanuly Pavlodar oblysyna jasaǵan resmı sapary barysynda Baıanaýyl aýdany Maıqaıyń kentinde turatyn jalǵysbasty, kópbalaly ana Kasıv Hınaıatqa eki bólmeli úıdiń kiltin tabystady.

«Adam balasy úshin baspananyń orny erekshe. Ol – sharshaǵanda tynyǵatyn, qulshylyq jasap, duǵa etetin, bala-shaǵańmen qaýyshyp, qýanyshqa bólenetin, qonaq kútip, batasyn alatyn mekeniń. Sondyqtan osy úıdi ıgilik jolynda paıdalanýlaryńyzǵa tilektespin. Osy otbasyǵa qoldaý bildirip, qýanyshyn eselegen barsha azamatqa Alla razy bolsyn aıtamyn. Jasaǵan qaıyrymdylyqtyń qaıyryn ózderińiz kórińizder» dedi Naýryzbaı qajy Taǵanuly.

Aıta ketsek, QMDB «Zeket» qorynyń «El úlesi – páterge» qaıyrymdylyq aktsııasy aıasynda júzege asqan 235-baspana Kasıv Hınaıat anamyzdyń otbasyna buıyrdy. Osy ıgi bastama aıasynda Pavlodar oblysy boıynsha 7 otbasyǵa baspana berilgen. 

​