BAS MÚFTI MYSYRDA BILIM ALYP JÚRGEN QAZAQSTANDYQ STÝDENTTERGE NASIHAT AITTY
Mysyr Arab Respýblıkasyna jumys sapary aıasynda Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Kaır qalasynda bilim alyp júrgen qazaqstandyq stýdenttermen Ál-Azhar ýnıversıtetiniń oqý ǵımaratynda kezdesti.
Kezdesý barysynda Bas múftı jastarǵa ilim alýdyń jaýapkershiligi, ilim ıesiniń qoǵam aldyndaǵy mindeti, sondaı-aq alǵan bilimdi el men din jolynda tıimdi paıdalaný máseleleri tóńireginde taǵylymdy nasıhat aıtty.
Sondaı-aq Naýryzbaı qajy Taǵanuly shetelde bilim alyp júrgen jastardyń ulttyq bolmysyn saqtaýy, din men dástúr sabaqtastyǵyn ustanýy asa mańyzdy ekenin aıtty. Ǵalymnyń sózi men isi, bilimi men ádebi bir-birimen úıleskende ǵana qoǵamǵa shynaıy paıda ákeletinin eske saldy.
Kezdesý barysynda eki el arasyndaǵy tarıhı-rýhanı baılanysqa da toqtalyp, Beıbarys sultannyń izi qalǵan qasıetti mekende bilim alyp júrgen qazaq jastarynyń bul múmkindikti qadirleı bilýi qajettigin atap ótti.
Kezdesý sońynda Bas múftı stýdentterge aq batasyn berip, bilim jolynda tabandylyq tanytyp, elge oralyp, halyqqa adal qyzmet etetin bilikti din mamany bolýlaryna tilektestik bildirdi.
Tirkelgen qoldanýshylar ǵana pikir qaldyra alady. Saıtqa
