Bas múftı Marokkonyń din qaıratkerimen suhbattasty (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mysyr Arab Respýblıkasyna jasaǵan resmı sapary barysynda Marokkonyń burynǵy múftıi, búginde atalǵan eldiń Ǵulamalar keńesiniń múshesi, belgili ǵalym Marzýq Aýlad Abdollamen suhbattasty.
Basqosýǵa Qazaqstannyń Mysyr Arab Respýblıkasyndaǵy Tótenshe jáne Ókiletti elshisi Qaırat Lama Sharıf qatysty.
Kezdesýde Bas múftı Naýryzbaı qajy Taǵanuly QMDB janynan qurylǵan Ǵulamalar keńesiniń jumysy jaıly áńgimelep berdi. Sonymen qatar ózekti dinı máselelerge qatysty ortaq pátýa shyǵarý qajettigin alǵa tartty. Kezdesýde taraptar osy baǵytta ózara yntymaqtastyqty arttyrýǵa kelisti.
