Bas múftı Maqtaaralda 3 baspananyń kiltin tabystady (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Túrkistan oblysynyń Maqtaaral aýdanynda 3 otbasyna baspana kiltin tabystady.

Múftııattyń 30 jyldyq mereıtoıy aıasynda berilgen baspana kópbalaly otbasyna, múgedek keıýanaǵa, asyraýshysynan aıyrylǵan kelinshekke saltanatty túrde tabystaldy.

«Dinı basqarmanyń jumys baǵyttarynyń biri – qaıyrymdylyq. Biz baspanaǵa asa muqtaj, kómekke zárý azamattardy qýanyshqa bóleıtin ıgi jobamyzdy jyl boıy jalǵastyra beremiz. 3 baspana maqtaaraldyq aǵaıynǵa buıyryp otyr. Biz Maqtaaralmen birgemiz. Qonys qutty bolsyn! Qýanyshtaryńyz baıandy bolsyn. Osy otbasydan ǵalymdar shyǵyp, elimizge qyzmet ete bersin», – dep atap ótti Bas múftı Naýryzbaı qajy Taǵanuly.

Óz kezeginde «Zeket» qorynyń dırektory Talǵat Omarov: «Qor qyzmetkerleri osymen 201-inshi otbasyn qýanyshqa keneltti. Bul baǵyttaǵy jumys turaqty túrde jalǵasa beredi» dedi.

​