Bas múftı Maqtaaral jurtshylyǵymen kezdesti (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Maqtaaral jurtshylyǵymen júzdesti. Kezdesýge QMDB Apparat jetekshisi Ǵylymbek Májıev, QMDB «Zeket» qorynyń dırektory Talǵat Omarov, aýdan ımamdary qatysty.

Bas múftı jergilikti jurtshylyqqa nasıhatyn aıtyp, qıyndyqqa tap bolǵan azamattardy syndarly sátte qasıetti Ramazanda duǵa etýge úndedi.

«Alla Taǵala ár adamdy ártúrli deńgeıde synaıdy. Jaratýshy Iemiz Quranda: «Keıde bir qorqynysh-úreı tóndirý, tarshylyq jasaý, mal-jandaryńa kemshilik keltirý, ónimderińdi azaıtý arqyly Biz senderdi synaımyz. Osyndaı taýqymet kelgen shaqta: «Biz Allanyń pendesimiz jáne onyń aldyna qaıtyp, baramyz» dep sabyr saqtaýshylardy (eı, Muhammed!) sen qýandyr. Allanyń raqymy men yqylasyna laıyqty jandar – solar, týra joldan aýmaıtyndar da solar», – deıdi. Synaq ómir bolǵan soń, synalmaıtyn pende joq. Bárimiz de túrli deńgeıde synalyp júrmiz. Alla Taǵala bul synaqty tezirek eńserýdi násip etsin. Allaǵa shúkir, memleketimiz der kezinde qamqorlyǵyn kórsetýde. Endi jańa qonystaryńyzda jaqsylyqta júzdesýdi jazsyn», – dedi Naýryzbaı qajy Taǵanuly.

Igi sharada Bas múftı turǵyndarǵa Ramazan syılyǵyn tabystap, duǵa jasady. QMDB Tóraǵasymen suhbattasqan Maqtaaral jurtshylyǵy din qyzmetkerlerine alǵysy men shynaıy nıetin jetkizdi.

​