Bas múftı halyqaralyq onlaın konferentsııaǵa qatysty (FOTO)
QMDB Tóraǵasy, Bas múftı Naýryzbaı qajy Taǵanuly Reseı musylmandary dinı basqarmasy uıymdastyrǵan «TMD elderi musylmandary dinı basqarmalarynyń jahandyq COVID-19 pandemııasy kezeńindegi tájirıbesi» atty halyqaralyq onlaın konferentsııaǵa qatysty.
Halyqaralyq forýmǵa TMD aýmaǵyndaǵy dinı basqarmalar men olardyń aǵartýshylyq baǵyttaǵy uıymdary jáne quzyrly resmı mekemeler ókilderi qatysty.
Onlaın konferentsııa barysynda TMD elderi musylmandarynyń pandemııa kezindegi amal-áreketi, TMD dinı basqarmalary, olardyń bilim berý jáne aǵartý uıymdary, atalǵan elderdiń mamandandyrylǵan resmı mekemeleriniń COVID-19 pandemııasyna qarsy kúres baǵytyndaǵy yntymaqtastyǵy, pandemııa saldaryn eńserýdegi nátıjeler negizinde ózara tájirıbe almasý, musylman qaýymdastyqtarynyń jańa jaǵdaıǵa beıimdelýi, dástúrli ıslamdy saqtaý jáne Ekstremızm men teris aǵymdardyń aldyn-alý boıynsha atqarylǵan jumystar jaıly talqylandy.
QMDB Tóraǵasy Naýryzbaı qajy Taǵanuly onlaın konferentsııada baıandama jasady. «Búgingi konferentsııada TMD Dinı basqarmalarynyń pandemııa kezindegi tájırıbesi talqyǵa salynyp otyr. Ókinishke qaraı, álemde COVID-19 vırýsyn juqtyrǵan adam sany on mıllıonǵa jýyqtady. Sonyń saldarynan dinı birlestikter áli kúnge deıin qyzmetin óz deńgeıinde atqara almaı keledi. Alaıda azamattardyń densaýlyǵyn saqtaý maqsatynda bizdiń Dinı basqarma tsıfrly tehnologııalardyń múmkindigin belsendi túrde paıdalanyp jatyr.
DSU ókilderi dinı jetekshilerden pandemııa kezinde járdem berýin suraǵan bolatyn. Osyǵan baılanysty QMDB onlaın dárister men suhbattar júrgizýdi qolǵa aldy. Osy ýaqytqa deıin ustazdarymyzdyń onlaın formattaǵy otyzdan astam dárisi ótti. Sondaı-aq azamattardyń suraqtaryna jaýap berý maqsatynda Ramazan aıynda aqparattyq call-center ortalyǵy qurylyp, táýlik boıy qyzmet etip otyr. Odan bólek pandemııa kezinde qaıyrymshylyq sharalary ulǵaıdy. Meshitterimiz jabyq bolsa da, saýap esikteri árdaıym ashyq» deı kele Bas múftı osy onlaın basqosýdyń ótýine muryndyq bolǵan Talgat Safa Tadjýddın bastaǵan din azamattaryna alǵys bildirdi.
Halyqaralyq konferentsııa qorytyndysynda qatysýshylar birlesken qarar qabyldady.
