BAS MÚFTI HÁKIM ABAIDYŃ 180 JYLDYQ MEREITOIYMEN QUTTYQTADY

Bas múftı Naýryzbaı qajy Taǵanuly saıyn dalamyzdyń uly oıshyly, hákim Abaı Qunanbaıulynyń 180 jyldyq mereıtoıymen quttyqtady.

Óz quttyqtaýynda Bas múftı Abaı Qunanbaıulynyń halqymyzdyń rýhanı bıigi, musylmandyq pen adamgershilik qundylyqtardy dáriptegen dara tulǵa ekenin atap ótti. Sondaı-aq onyń «Qara sózderi» men óleńderinde ımandylyq, sabyr, adaldyq, bilimge qushtarlyq sekildi asyl qasıetterdiń keńinen nasıhattalǵanyna toqtaldy.

«Danyshpan Abaı úshin musylmandyq – tek syrtqy ǵıbadat emes, ol ishki júrek tazalyǵy men adamgershilik qasıetter arqyly ólshenetin tereń jol. Oıshyl babamyz: «Adal eńbekpen mal izdemek – arly adamnyń isi» deıdi. Bul – naǵyz baılyqtyń adaldyqta ekenin uǵyndyrady. Memleket basshysy, qadirli Qasym-Jomart Kemelulynyń «Adal azamat» ıdeıasyn usynýy – qoǵamdaǵy izgiliktiń bári adaldyqtan bastaý alatynyn meńzeıdi.

Qadirli qaýym!
Osynaý mereıli merekede barshańyzǵa amandyq, otbasylaryńyzǵa bereke, elimizge tynyshtyq pen birlik tileımin. Hákim Abaıdyń ónegeli ómiri men óshpes murasy urpaq jadynda máńgi jasaı bersin!», – dedi Naýryzbaı qajy Taǵanuly.