Bas múftı kezekti Apparat jınalysyn ótkizdi (FOTO)

Búgin elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly kezekti Apparat jınalysyn ótkizdi.

Jınalysta Qazaqstan musylmandary dinı basqarmasynyń 2020-2025 jyldarǵa arnalǵan qyzmetiniń negizgi damý tujyrymdamasynyń jobasy talqylandy. Atalǵan tujyrymdama 2020-2022 jáne 2022-2025 jyldar aralyǵynda eki kezeń boıynsha júzege asady.

QMDB Ýaǵyz-nasıhat bóliminiń meńgerýshisi Batyrjan Mansurov atalǵan qujattyń mazmunymen tanystyryp, negizgi strategııalyq baǵyttarǵa sholý jasady. Al QMDB Dinı bilim jáne kadr daıarlaý bóliminiń meńgerýshisi Smaıyl Seıitbekov tujyrymdama aıasynda qabyldanatyn «Zııatker ımam» qujatyn tanystyrdy.

«Strategııalyq jospar – damýdyń baǵdarshamy. Sondyqtan osy baǵyttar boıynsha jumysymyzdy únemi jetildirip otyrýymyz kerek. Ár bólim ózine tıesili qyzmetti únemi damytyp otyrýy tıis» dedi Bas múftı Naýryzbaı qajy Taǵanuly.

Jınalys sońynda Bas múftı QMDB Ortalyq apparat qyzmetkerlerine naqty tapsyrmalar berdi.