Bas múftı batagóı qarııalardyń batasyn aldy (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mańǵystaý oblysy Jańaózen qalasynda birtop qarııamen kezdesip, suhbattasyp, batasyn aldy.

«Úlkenniń batasyn alyp, alǵysyna bólený – dinimiz ben dástúrimizde bar qundylyqtyń biri. Alla Taǵala ata-ananyń aqysy men qurmetin Ózinen keıin orynǵa qoıǵan. Sizderdiń batalaryńyzdy alý – maǵan da úlken mártebe. Saparǵa shyqpaı turyp úlkenniń batasyn alý – asyl dinimizdegi saýapty hám tárbıesi mol amaldyń biri ekenin barshamyz jastarymyzǵa kóbirek túsindirýimiz kerek. Bergen batalaryńyz qabyl bolsyn. Alla Taǵala sizderdeı qarııalarymyzǵa kúsh-qýat, jastarymyzǵa ıman baılyǵyn násip etkeı», – dedi Bas múftı Naýryzbaı qajy Taǵanuly.

Kezdesý barysynda batagóı aqsaqaldar Jańaózenge at basyn tiregen QMDB qyzmetkerleriniń qadamyna qutty bolsyn aıtyp, izgi tilegin jaýdyryp, aǵynan jaryldy.

​