Bas múftı BAQ qyzmetkerlerin kásibı merekelerimen quttyqtady

Qoǵamǵa ımandylyq pen adamgershilikti, izgilik pen birlikti nasıhattaýda buqaralyq aqparat quraldarynyń róli aıryqsha mánge ıe.

Elimizde tótenshe jaǵdaı jarııalanǵan syndarly sátte halyqqa úmit syılap, jurtymyzdy jaqsylyqqa jumyldyryp, jigerlendirý jumystarynda aqparat quraldarynyń osy baǵyttaǵy jaýapty qyzmeti arta tústi.

Osy rette ózimniń jáne Qazaqstan musylmandary dinı basqarmasy ujymy atynan BAQ qyzmetkerlerin kásibı merekelerimen shyn júrekten quttyqtaımyn. Otbasylaryńyzǵa baq-bereke, amandyq pen birlik tileımin. Qazaqstan musylmandary dinı basqarmasynyń ıgi is-sharalaryna aqparattyq qoldaý kórsetip, asyl dinimizdi nasıhattaý jumystaryna belsene aralasqandaryńyz úshin aıryqsha alǵysym men rııasyz rızashylyǵymdy bildiremin.

Alla Taǵala el ıgiligi jolyndaǵy qyzmetterińizge jar bolsyn! Halqymyz aman, elimiz tynysh, táýelsizdigimiz baıandy bolǵaı. Ámın!

Naýryzbaı qajy TAǴANULY,
Qazaqstan musylmandary dinı basqarmasynyń tóraǵasy, Bas múftı