BAS MÚFTI «AITÝLY ShARALAR-2023» JOSPARY BOIYNShA JUMYS ESEBIN TYŃDADY (FOTO)
Búgin elordada Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasy Ortalyq apparatynyń kezekti jınalysy ótti.
Jıynda Bas múftıdiń din qyzmetkerlerine joldaǵan baǵdarlyq baıandamasyna sáıkes «Islam jáne izgi qoǵam» jyly aıasynda atqarylatyn aıtýly sharalardyń jumys jospary talqylandy. «Aıtýly sharalar-2023» jyldyq jumys josparyna sáıkes atqarylyp jatqan is-sharalar jóninde QMDB Tóraǵasyna naıb múftıler Ershat Aǵybaıuly, Kenjeáli Qońyratbaıuly men Sansyzbaı Qurbanuly, Bas múftı keńesshileri Kenjetaı Baıkemeluly men Apparat basshysy Ǵylymbek Jádigeruly baıandady.
«Ózderińizge málim Tóralqa májilisinde «Islam jáne izgi qoǵam» jyly aıasynda 46 aýqymdy is-shara men túrli jobalardy bekitken edik. Allaǵa shúkir, solardyń birqatary ózderińizdiń, ımamdarymyzdyń, jalpy din qyzmetkerleriniń júıeli jumys isteýiniń arqasynda josparǵa saı atqarylyp keledi. Jyl sońyna deıin oıǵa alǵan maqsatymyz tolyqtaı oryndalatynyna tolyq senimdemin. Haq Taǵala Ramazan aıyn barshamyzǵa berekeli etip, kúsh-qýat, densaýlyq bersin, din jolyndaǵy qyzmetimizge mol saýaptan jazsyn» dedi Bas múftı Naýryzbaı qajy Taǵanuly.
Sondaı-aq QMDB Tóraǵasy alda atqarylatyn aıtýly sharalar boıynsha bólim meńgerýshileriniń usynys-pikirlerin tyńdap, naqty tapsyrmalar júktedi.
