Bas múftı aýmaǵy 1000 sharshy metr sport kesheniniń jobasymen tanysty (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mańǵystaý oblysy Munaıly aýdany «Mıǵraj» meshiti aýlasynda salynyp jatqan sport keshenin aralap, qurylysymen tanysty.

Mańǵystaý oblysynyń bas ımamy Ánýar qajy Izimbaıuly Bas múftıge sport kesheniniń jobasymen tanystyryp, osy baǵytta atqarylyp jatqan birqatar jumysty baıandady.

Jamaǵatty bir maqsatqa jumyldyratyn saýapty hám salaýatty sharalar kóp. Sonyń biri – sporttyq shara. Din qyzmetkerleri salaýatty ómirdiń nasıhatshysy da bolýy qajet. Osy baǵytta tıisti jobalar júzege asýy tıis», - dedi Bas múftı Naýryzbaı qajy Taǵanuly.

Aıta ketsek, «Mıǵraj» meshiti aýlasynda salynyp jatqan eki qabattan turatyn sport kesheniniń jalpy aýmaǵy – 1000 sharshy metr. Keshende din qyzmetkerleri men meshit jamaǵaty fýtbol, voleıbol, basketbol, ústel tennısin oınaı alady.