Bas múftı Atyraýda jańa meshit qurylysymen tanysty (FOTO)
Qazaqstan musylmandary dinı basqarmasynyń Tóraǵasy Naýryzbaı qajy Taǵanuly Atyraý qalasynda salynyp jatqan jańa meshittiń qurylysymen tanysty.
Bas múftı qulshylyq úıin turǵyzyp jatqan Arman Toǵaevqa alǵysyn bildirip: «Meshit salý – saýaby úzilmeıtin saýapty is. Adam júregi meshitte tynyshtyq tabady. Musylman meshitten rýhanı qýat alyp, otbasyn izgilikke tárbıeleıdi. Alla Taǵala izgi isterińizge mol saýaptan jazǵaı», – dedi.
Aıta keteıik, jańa meshitte bir mezette 500 adam qulshylyǵyn óteı alady. Búginde oblys boıynsha 35 meshit jumys isteıdi. Atyraý qalasynda 7 meshit bar. Aldaǵy 2 jyl kóleminde taǵy 25 meshit salynady. Oblys boıynsha 79 din qyzmetkeri jumys isteıdi.
