Bas múftı Atyraý ımamdaryna dáris oqydy (FOTO)
Atyraý oblysyna resmı saparmen barǵan Bas múftı Naýryzbaı qajy Taǵanuly «Imanǵalı» ortalyq meshitinde óńir ımamdaryna dáris oqydy.
«Jat aǵymnyń aldyn alý jáne onyń ádistemesi» taqyrybynda nasıhat aıtqan Bas múftı: «Ardaqty Paıǵambarymyz Muhammed (oǵan Allanyń salaýaty men sálemi bolsyn) kórkem ýaǵyz aıtýǵa úndegen. Alla elshisi úıretkendeı, nasıhat aıtqanda qoldanatyn eń mańyzdy tásil – halyqqa Islam dinin súıinshilep jetkizý. Din taqyrybynda eshqashan talas-tartysqa túspeńizder. Talas-tartys musylmannyń júregin álsiretedi. Ýaǵyz-nasıhat jumysynda ár aýdıtorııanyń óz deńgeıine sáıkes sóıleýge mán berýimiz kerek», – dedi.
Naýryzbaı qajy Taǵanuly ımamdarǵa daǵýat ádisteri jaıly aıta kele, olardy belsendi jumys isteýge shaqyrdy. Kezdesý sońynda Bas múftı din qyzmetkerlerine «Ihsan – rýhanı tárbıe negizi» kitabyn syıǵa tartty
.
