BAS MÚFTI AQTAMAQ QALPENIŃ ZIRATYNA QULPYTAS ORNATÝ RÁSIMINE QATYSTY (FOTO)

Búgin Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly elordadaǵy tarıhı «Qaraótkel» zıratyna arnaıy baryp, kórnekti din qaıratkeri Aqtamaq qalpege arnalǵan qulpytas ornatý rásimine qatysty.

Igi jıynda Bas múftı Naýryzbaı qajy Taǵanuly: «El arasynda Aqtamaq qalpe atanyp ketken qazaq halqynyń dinı-rýhanı tarıhynda erekshe oryn alatyn kórnekti din qaıratkeri Ahmet Ǵusmanulynyń zıratyna basyp kelgen qadamdaryńyzǵa Alla mol saýaptan jazsyn. Eskertkishti qoıýǵa atsalysqan ımamdarymyzǵa, barsha azamattarǵa Jaratqan jar bolsyn! », – dep duǵa etti.

Aqtamaq qalpe HH ǵasyrdyń basynda Aqmola óńirinde dinı-aǵartýshylyq qyzmetimen tanylǵan. 1918 jyly Aqmolada úshinshi mahallany ashyp, sol meshittiń ımamy bolý úshin Ýfa qalasynan mýftıdiń arnaıy shahadatnamasyn alǵan.

Ol shákirt tárbıesine erekshe kóńil bólgen. Belgili dintanýshy Sádýaqas Ǵylmanı men ólketanýshy Meıram Sársetulynyń derekterine súıensek, Aqtamaq qalpe 500-ge jýyq bilikti molda daıarlaǵan.