Bas múftı aq halatty abzal jandarǵa aıryqsha alǵys bildirdi

«...Kim ony tiriltse (ólimnen qutqarsa), barlyq adamdy tiriltkenmen teń dep jazdyq...» («Máıda» súresi, 32-aıat).

Medıtsına – jaýaby men saýaby mol sala. Qasıetti Quranda aıtylǵandaı, bir adamnyń ómir súrýine sebepshi bolǵan pendeniń izgi amaly búkil adamdy ólimnen qutqarýmen teń...

Adamzatty qaýip-qaterden qutqarýdyń alǵy shebinde aq halatty abzal jandardyń júrgeninde talas joq. Ásirese elimizde tótenshe jaǵdaı jarııalanǵan syndarly sátte medıtsına qyzmetkerleri óz ómirlerin qaterge tigip, otbasynan jyraqtap, apta emes, aılap emdeý sharalarynda belsendilik tanytyp keledi. Jaýapty salanyń keıbir mamandary qyzmet barysynda juqpaly dertti juqtyryp ta aldy. Ózgelerdiń ómiri úshin óz basyn báıgege tigý degen osy bolar...

Mol saýapqa kenelý ońaı jolmen kelmeıtini belgili. Medıtsına qyzmetkerleri kúni qarsańynda adam janyn saqtaý syndy saýapty iste bar kúsh-jigerin sarp etip júrgen aq halatty abzal jandarǵa taǵy da aıryqsha alǵysymdy bildiremin. Alla Taǵaladan ómirlerińizge bereke, otbasylaryńyzǵa amandyq, jumystaryńyzǵa tabys tileımin. Jaratqan Jabbar Iemiz el ıgiligi men halyq densaýlyǵyn saqtaý jolyndaǵy saýapty qyzmetterińizdiń jaqsylyǵyn eselep jazǵaı. Elimiz osy synaqty da sabyrmen eńserip, qalypty ómir tirshiliginde, ıgi isterde basqosýdy jazǵaı. Ámın!

Naýryzbaı qajy TAǴANULY,
Qazaqstan musylmandary dinı basqarmasynyń tóraǵasy, Bas múftı