BALALARǴA «RAMAZAN TÁTTISI» TARATYLDY(FOTO)

QMDB Astana qalasy ókildigi «Jastar isi» sektory men «Zeket jáne qaıyrymdylyq» qorynyń Astana ókildigi birlese otyryp «Áziret Sultan» meshitindegi búldirshinderge «Ramazan táttisin» taratty. 

Qasıetti Ramazan aıynda balalardyń kóńiline shýaq syılaǵan merekelik keshke Bas qalanyń bas ımamy Erbolat Nuryldauly qatysyp, jınalǵan jurtshylyqty Ramazan aıymen quttyqtap, izgi tilegin arnady. Allanyń úıine jınalǵan balalar jattaǵan óleń-jyrlary men Quran aıattaryn oqyp, ónerlerin kórsetti. Ónerimen súısindirgen búldirshinder  syılyqtar alyp, shattyqqa bólendi. Meshit naıb ımamy Ádilhan Imanáliuly balalardyń ata-anasyna «Salıqaly urpaq tárbıeleý» týraly ýaǵyz-nasıhatyn aıtty.