«ÁZIRET SULTAN» MEShITINDE JAMAǴATQA «ON KÚNDE QURANǴA TÚS» SEMINARY ÓTTI (FOTO)

«Áziret Sultan» meshitinde Astana qalasynyń bas ımamy Erbolat Júsipovtiń bastamasymen jamaǵatqa «On kúnde Quranǵa tús» atty semınar ótti. Meshit ustazy Ersaıyn Sákenovtiń júrgizýmen ótken dáris qatysýshylary semınardy sátti aıaqtap, arnaıy alǵys hattarmen marapattaldy.

Is-sharaǵa Astana qalasynyń jáne «Áziret Sultan» meshitiniń bas ımamy Erbolat Júsipov qatysyp, shákirtterdi kezekti jetistigimen quttyqtady. Qala bas ımamy óz sózinde: «Quran – Jaratýshynyń adamzatqa jibergen eń uly nyǵmeti. Ony úırený – musylmannyń eń abzal isteriniń biri. Paıǵambarymyz (s.ǵ.s.) «Senderdiń eń jaqsylaryń – Qurandy úırenip, ony ózgege úıretkenderiń» dep ósıet etken. Quran oqý – júrekke tynyshtyq, ómirge bereke ákeledi. Árbir árpin oqyǵanǵa on saýap jazylady. Sol sebepti bilim alý jolyndaǵy árbir qadam – aqyretke jol ashatyn qazyna», – dep atap ótip, izdený jolynda jamaǵatqa sáttilik tiledi.

Sondaı-aq, qala bas ımamy atalmysh semınar «Áziret Sultan» meshitinde bir aıda eki ret ótkizilip otyratynyn habarlap, jamaǵattyń bilimin arttyrý maqsatyndaǵy ıgi bastamanyń jalǵasatynyn jetkizdi.

Sýretterdi tolyǵyraq «FOTOGALEREIa» aıdarynan kóre alasyz!

Источник: Aidos