«ÁZIRET SULTAN» MEShITINDE «IMANI JAZ – 2025» JAZǴY SAÝAT AShÝ KÝRSY AIaQTALDY (FOTO)

Astana qalasyndaǵy «Áziret Sultan» meshitinde «Imanı jaz – 2025» jazǵy saýat ashý kýrsy óz máresine jetip, qulshylyq ordasynda jabylý saltanaty ótti.

Is-sharaǵa Astana qalasynyń jáne «Áziret Sultan» meshitiniń bas ımamy Erbolat Júsipov bastaǵan meshit qyzmetkerleri, shákirtter men olardyń ata-analary qatysty.

Erbolat Nuryldauly óz sózinde: «Qurmetti ata-analar, ulaǵatty ustazdar, qadirli jamaǵat! Ardaqty jas shákirtterimiz! Búgin, Allanyń qalaýymen, «Áziret Sultan» meshitinde ótken jazǵy saýat ashý kýrsynyń sátti aıaqtalýyna kýá bolyp otyrmyz. Jaratqan Iemizge shúkirshilik aıtamyz, jazǵy kýrs aıasynda búldirshin shákirtterimiz meshitke kelip, Quran álippesin úırenip, ımanı bilim alyp, jaqsy men jamandy ajyratýdy úırendi. Kýrstyń ereksheligi – tek dinı saýat ashýmen shektelmeı, qazaqtyń ulttyq salt-dástúrimen sabaqtastyrylǵany. Balalar rýhanı qundylyqtardy da boıyna sińirdi. Ustazdarymyz belsendi jumys atqardy. Bizge senim artqandaryńyz úshin alǵys bildiremiz. Balalaryńyz elge, jalpy musylman qaýymyna paıdasyn tıgizetin otanshyl azamat, azamatsha bolyp óssin!», dep izgi tilegin bildirdi.

Sondaı-aq, saltanatty is-shara barysynda búldirshin shákirtterge arnaıy sertıfıkattar men alǵys hattar (arnaıy ótken jarys jeńimpazdaryna) tabystaldy. Kýrs aıasynda ustaz retinde ár topta qyzmet atqarǵan medrese shákirtterine de arnaıy alǵys bildirildi.

Kesh sońynda qarııalar aq batasyn berip, qala bas ımamy meshit aqsaqalyna qurmet kórsetip, hadııa usyndy.

Sýretterdi tolyǵyraq «FOTOGALEREIa» aıdarynan kóre alasyz!