ÁIEL JAMAǴATYNA KÓNE TÚRKI KITAPTARYN OQÝ MÚMKINDIGI TÝMAQ (FOTO)

Búgin Elorda tórindegi «Áziret Sultan» meshitinde Astana meshitteriniń áıel ustazdaryna kóne túrki kitaptaryn oqyp-úırenýge arnalǵan semınar ótti.

Astana qalasynda meshitterde klassıkalyq dinı túrki kitaptaryn oqytý kýrstaryn ashý jolǵa qoıylyp keledi. Bul týraly QMDB tóraǵasy Naýryzbaı qajy Taǵanuly 2023 jylǵy baǵdarlyq baıandamasynda atap, tapsyrǵan bolatyn.   Eki aıdan beri kóne túrki kitaptaryn oqý erler jamaǵaty úshin ǵana qoljetimdi bolsa, endi áıel jamaǵaty úshin de múmkindik týmaq.

Qala bas ımamy Erbolat Nuryldauly alǵy sóz sóılep bastap bergen jıynda  «Ás-Sálám» meshitiniń naıb ımamy Tórejan Júnis kóne túrki tilinde jazylǵan «Ýstadı áýýál» kitaby boıynsha dáris oqydy. Sonymen qatar, ol jıynǵa qatysýshy ustazdarǵa atalǵan kitapty oqytýdyń praktıkalyq ádis-tásilderin kórsetti.

Elorda bas ımamy Erbolat Júsipov «Ýstadı áýýál» kitaby biz qoldanyp júrgen «Muǵalim sánıdiń» qyzmetin atqaratynyn jáne budanda basqa kóne túrkı kitaptarda mańyzdy dinı máseleler jazylǵanyn atap ótti. Ol óz sózinde: «Islamdy ulttan bólgisi keletin alaýyzdyq týdyrýshy toptar kóbeıgen ýaqytta, ata-babamyzdyń dindi tereń túsingenine dálel bolatyn osynaý túrki kitaptaryn jamaǵatqa oqytý mańyzdy», - dedi.