Astanada IV respýblıkalyq «Ádemi áýezdi azanshy» jarysynyń irikteý saıysy ótti
2025 jylǵy 3 shilde kúni QMDB Astana qalalyq ókildigine qarasty «Al FATTAH» meshitinde IV respýblıkalyq «Ádemi áýezdi azanshy» baıqaýynyń óńirlik irikteý kezeńi ótti.
QMDB-nyń «Quran» sektorynyń uıymdastyrýymen ótken bul saıysqa elorda meshitterinen 10 úmitker qatysyp, ózara baq synasty.
Jarystyń shymyldyǵyn Astana qalasynyń bas ımamy Erbolat Nuryldauly ashyp, azannyń dindegi orny men rýhanı mańyzyna keńinen toqtaldy.
Baıqaý úmitkerlerdiń tájýıd erejelerin saqtaýy, maqam oryndaý sheberligi men daýys úılesimi boıynsha baǵalandy. Qazylar alqasy quramynda belgili qarı-ustazdar — Jumanazar qarı Sadyrhanov, Serik qarı Ahmetov jáne Erbolat qarı Shaýdyrbaı boldy.
Baıqaý qorytyndysy boıynsha, «Áziret Sultan» meshitiniń azanshysy Qaınar Bazarhan birinshi oryndy ıelenip, respýblıkalyq kezeńge joldama aldy. Ekinshi oryndy — Mýhıt Kópjasar, úshinshi oryndy — Azamjan Iahııahojauly, tórtinshi oryndy Rústem Baýyrjanuly qanjyǵasyna baılady.
Saıys jeńimpazdary men barlyq qatysýshylarǵa qarjylaı syılyqtar men arnaıy marapattar tabystaldy.
