ASTANA QALASYNYŃ BAS IMAMY BEKZAT SATTARHANOVTYŃ ANASYNA QURMET KÓRSETTI (FOTO)

Aty ańyzǵa aınalǵan boksshy, Sıdneı olımpıadasynyń chempıony Bekzat Sattarhanovtyń anasy Syrlykúl Sattarhanova Astana qalasyndaǵy «Áziret Sultan» meshitine arnaıy at basyn burdy. Astana qalasynyń jáne «Áziret Sultan» meshitiniń bas ımamy Erbolat Júsip syıly qonaqty kútip alyp, qurmet kórsetti.

Aldymen qazaqtyń mańdaıaldy perzentiniń rýhyna Quran baǵyshtalyp, duǵa jasaldy. Syrlykúl apamyz uly jaıly estelikterin aıtyp, júrekjardy áńgimelerimen bólisti. Kezdesý sońy aq dastarhanmen jalǵasyp, qala bas ımamy Erbolat Nuryldauly qonaqqa syı-qurmet kórsetti.

Bekzat Sattarhanov – qazaqtyń atyn álemge tanytqan dańqty bylǵary qolǵap sheberi. Ol 1980 jyly 4 sáýirde Túrkistan oblysy, Túrkistan qalasynda dúnıege kelgen. 2000 jyly Sıdneıde ótken XXVII jazǵy Olımpıada oıyndarynda 57 keli salmaqta óner kórsetip, altyn medal ıelengen. Bul jeńisi arqyly ol táýelsiz Qazaqstan tarıhynda Olımpıada chempıony atanǵan eń jas boksshy retinde el esinde qaldy. Ókinishke qaraı, Bekzat Sattarhanov arada nebári úsh aı ótkende, 2000 jyldyń 31 jeltoqsanynda jol apatynan qapyda qaza tapty. Onyń esimi sport tarıhynda ǵana emes, el júreginde de óshpes iz qaldyrdy.

Источник: Aisha