ASTANA QALASYNYŃ BAS IMAMY «AL-FATTAH» MEShITINDE JUMA ÝAǴYZYN AITTY (FOTO)

Astana qalasynyń bas ımamy Erbolat Júsipov «Al-Fattah» meshitinde «Islamda jol erejesiniń mádenıeti (Adam ómiriniń mańyzdylyǵy)» taqyrybynda juma ýaǵyzyn aıtty.

Elorda ımamy juma ýaǵyzynda qoǵamdaǵy árbir adamnyń qaýipsizdigine tikeleı áser etetin jol qozǵalysy tártibin saqtaýdyń dinı mańyzyn atap ótti. «Islam – tek qulshylyq emes, búkil ómirdiń tártip pen jaýapkershilikke negizdelgen jol kartasy. Jol – sonyń bir kórinisi» dedi Erbolat Nuryldauly.

Bas ımam ýaǵyzda Qurandaǵy: «Kim bir adamdy ólimnen qutqarsa, búkil adamzatty qutqarǵanmen teń» («Máıda» súresi, 32-aıat) degen aıatty keltirip, jolda árbir adamnyń amandyǵyna jaýapty bolý musylmandyq borysh ekenin túsindirdi.

Sondaı-aq, ol Paıǵambar hadısterine súıene otyryp, jol erejesin saqtamaý – kúnáli is, al tártiptilik – ımandylyqtyń kórinisi ekenin aıtty. «Joldaǵy jaýapkershilik – sharıǵat talaptarynyń biri. Jol – amanat, kólik júrgizýshi – jaýapty adam», dedi.

Juma ýaǵyzynda adam ómiriniń ıslamdaǵy qundylyǵy, joldaǵy qaýipsizdikti saqtaý, rólge otyrǵan adamnyń rýhanı daıyndyǵy, súnnetter men duǵalar, sondaı-aq Paıǵambarymyzdyń (oǵan Allanyń salaýaty men sálemi bolsyn) kólik júrgizýge baılanysty ósıetteri keńinen qamtyldy.

Juma ýaǵyzynan keıin jamaǵat bas ımamnyń taǵylymdy nasıhatyna rızashylyǵyn bildirip, duǵa jasaldy.

Источник: Aidos