ASTANA QALASYNDA IMAMDARDYŃ BILIMIN JETILDIRÝ BOIYNShA JIYN ÓTTI (FOTO)

Astana qalasynyń bas ımamy Erbolat Júsipovtiń basshylyǵymen «Sádýaqas qajy Ǵylmanı» meshitinde ımamdardyń bilimin jetildirý boıynsha jıyn ótti.   

Jıynda qala bas ımamy ımamdardyń dinı, rýhanı jáne zamanaýı baǵyttaǵy bilimin arttyrýdyń mańyzdylyǵyna toqtalyp, din qyzmetkerleriniń qazirgi qoǵamdaǵy orny men jaýapkershiligin atap ótti. Sondaı-aq, meshit ımamdarynyń jamaǵatpen jumys isteý ádisterin jetildirý, ýaǵyz-nasıhat jumystarynda zamanaýı tásilderdi qoldaný jáne únemi bilimin jańartyp otyrý qajettigin eskertti.

Jıyn barysynda qatysýshylarǵa birqatar oqý-ádistemelik tapsyrmalar berilip, aldaǵy ýaqytta ótetin bilim jetildirý kýrstarynyń jospary tanystyryldy. Is-shara sońynda óz qyzmetinde belsendilik tanytyp júrgen «Sádýaqas qajy Ǵylmanı» meshitiniń bas ımamy Rýslan Naqybekulyna arnaıy alǵys hat tabystaldy.

Источник: Aidos