ASTANA QALASY ÓKILDIGINDE ONLAIN QURBAN ShALÝ RÁSIMI BASTALDY (FOTO)

06 maýsym 2025 629 0 Оqý rejımi

Búgin QMDB tóraǵasy, Bas múftı Naýryzbaı qajy Taǵanulynyń tapsyrmasymen Qurban aıt merekesine oraı Astana qalasy ókildiginde onlaın qurban shalý rásimi bastaldy. QMDB bekitken tártipke sáıkes, qurbandyqtar arnaıy uıymdastyrylǵan sanıtarlyq talaptarǵa saı qasaphanalarda shalynyp jatyr.

QMDB tóraǵasynyń orynbasary, naıb múftı Ermek Qasbolatuly Muqataı qurban shalý rásiminiń ashylýyna qatysty. «Áziret Sultan» meshitiniń naıb ımamy Jumanazar Óserhanuly qurban shalý tolyq sanıtarlyq talaptarǵa saı júrip jatqanyn aıtyp, jumys barysymen tanystyrdy.

Aıta keteıik, Qazaqstan musylmandary dinı basqarmasy Qurban shalý rásimin qashyqtan ótkizýge arnalǵan qurban.muftyat.kz saıtyn iske qosqan bolatyn. Elordanyń qurban shalýǵa nıetti turǵyndary osy saıt arqyly onlaın tapsyrys bere alady. Shalynǵan qurbandyqtyń beınetaspasy Whatsapp jelisi arqyly tapsyrys berýshige jiberiledi.

Al, offlaın qurban shalý úshin bıyl elordada 6 mal soıý orny bekitildi. Olar: «Jaılaý», «Barakat», «Shanhaı», «Shopan ata», «Et han», «Shaýshen» sharýa qojalyǵy — Alash tas joly, 136B mal bazary.

Sýretterdi «FOTOGALEREIa» aıdarynan kóre alasyzdar!