ASTANA ÓKILDIGI: MEREKEGE ORAI ULTTYQ SPORT TÚRLERINEN SAIYS ÓTTI (FOTO)

QMDB-nyń 35 jyldyq mereıtoıy aıasynda uıymdastyrylǵan «Áz-Naýryz – yrys pen yntymaq merekesi» rýhanı-mádenı is-shara aıasynda ulttyq sport túrlerinen saıystar bolyp ótti.

Atap aıtsaq, arqan tartys, asyq atý, qol kúres boıynsha saıys qyzý ótip, qatysýshylar Qazaqstan musylmandary dinı basqarmasynyń 35 jyldyq mereıtoıyna oraı arnaıy syılyqtarmen marapattaldy.

Is-shara aıasynda arnaıy tigilgen kıiz úılerde ulttyq salt-dástúrler men qonaqjaılyq rásimderi kórsetilip, qonaqtarǵa dástúrli taǵamdar usynyldy. Sonymen qatar, qazaq halqy men túrli Etnos ókilderi arasyndaǵy rýhanı jaqyndyq pen yntymaqty pash etetin mádenı baǵdarlama usynyldy.

Sharanyń negizgi maqsaty – qoǵamda ózara syılastyq pen tatýlyqty arttyrý, Naýryz meıramynyń rýhanı jáne mádenı mánin keńinen nasıhattaý, sondaı-aq din men dástúr sabaqtastyǵyn dáripteý boldy.

Bul ıgi bastama – halqymyzdyń ulttyq qundylyqtary men rýhanı murasyn ulyqtaýǵa baǵyttalǵan taǵylymdy is-shara retinde joǵary deńgeıde ótti.

Источник: Aidos