«ASTANA» MEDRESE-KOLLEDJINE JAŃA DIREKTOR TAǴAIYNDALDY

22 tamyz 2025 70 0 Оqý rejımi

QMDB Tóraǵasy, Bas múftı Naýryzbaı qajy Taǵanulynyń buıryǵymen «Astana» medrese-kolledjiniń dırektory qyzmetine Qanat Ońǵarbaev taǵaıyndaldy.

Jańa basshyny ujymǵa Bas múftı keńesshisi Smaıyl Seıtbekov tanystyryp, jaýapty qyzmetine sáttilik tiledi.

Saltanatty rásim barysynda S.Seıtbekov buǵan deıin atalmysh oqý ordasynda 2020 jyldan beri dırektorlyq qyzmetti atqaryp kelgen Baqtybaı Beısenbaevqa osynaý jyldar aralyǵynda shákirt tárbıeleý jolyndaǵy atqarǵan qajyrly qyzmeti úshin alǵysyn aıtyp, Bas múftı atynan alǵys hat tabystap, qazaqy dástúrge saı ıyǵyna shapan jaýyp, aldaǵy qyzmetine tabys tiledi.

Qanat Ońǵarbaev – «Nur-Múbárak» ýnıversıtetiniń «Islamtaný jáne arab tili» mamandyǵy boıynsha túlegi. Sondaı-aq, atalǵan oqý ornynda «Islamtaný» mamandyǵy boıynsha magıstratýrany támamdaǵan. Qatar memleketi, Doha qalasyndaǵy «Hamad bın Halıfa» ýnıversıtetinde bilim jetildirý tájirıbesinen ótken.

Óziniń eńbek jolyn Batys Qazaqstan oblysy Oral ortalyq meshitinde naıb ımam bolyp bastaǵan. Keıin QR Ádilet mınıstrliginde dinı sarapshy, «Islam mádenıeti men bilimin qoldaý qorynyń» mamany, qor dırektory qyzmetterin atqarǵan. Sońǵy jyldary «Astana» medrese-kolledjinde dırektordyń birinshi orynbasary qyzmetin atqardy.