ASTANA IMAMDARYNA ǴULAMALAR KEŃESINDE QABYLDANǴAN ShARIǴI ÚKIMDER TANYSTYRYLDY (FOTO)

«Ál-Ǵanı» meshitinde ótken elorda ımamdarynyń alqaly jıynynda Ǵulamalar keńesinde qabyldanǵan pátýalar tanystyryldy.

«Áziret Sultan» meshitiniń naıb ımamy, QMDB Sharıǵat jáne pátýa bóliminiń Astana qalasy ókildigi boıynsha jaýapty mamany Tamırlan Darhanuly «Zekettiń qarjysyna úı alyp berýge bola ma?» degen saýal tóńireginde sharıǵı úkimderdi baıandap shyqty.

Atalmysh másele boıynsha Hanafı, Malıkı, Hanbalı, Shafıǵı mazhabtarynyń kózqarastaryn mysalǵa keltire otyryp, QMDB Ǵulamalar keńesiniń tómendegi sheshimin oqyp ótti: «Dáýletti adam kedeıge zeketti nısaptyń mólsherindeı (mys, 85 gr altynnyń qunyn) nemese odan kóbiregin berý – mákrýh, biraq paryz moınynan túsedi. Jumys isteýge shamasy kelmeıtin muqtaj adamǵa úı satyp alýǵa jetetin qarajatty zeket retinde berýge bolady».

Aıta ketsek, Ǵulamalar keńesiniń sheshimi – qazirgi qoǵamda jıi týyndaıtyn suraqtarǵa naqty jaýap berý qajettigin kórsetedi. Osy oraıda, zeket qarjysynyń muqtaj adamǵa úı alyp berýge jumsalýyna qatysty úkim – dinı joralǵylardyń áleýmettik ádilettilikpen ushtasýyn aıǵaqtaıdy.

Источник: Aidos