ASTANA IMAMDARYNA DINI OŃALTÝ BOIYNShA SEMINAR ÓTTI (FOTO)

«Áziret Sultan» meshitinde Astana qalasynyń bas ımamy Erbolat Nuryldaulynyń basshylyǵymen elorda ımamdaryna dinı ońaltý baǵyty boıynsha semınar ótti. 

Jıynda QMDB Dinı ońaltý bóliminiń mamany Jarbol Bolatuly din qyzmetkerlerine Qazaqstan Respýblıkasynyń dinge qatysty zańnamalaryn túsindirip, «Jat dinı aǵym múshelerimen jumys jasaýshyǵa 10 keńes» taqyrybynda baıandama oqydy.

Atap aıtsaq, jumys barysynda resmı dintanýlyq bilimge súıený, jat aǵym ókilderiniń negizgi belgileri, qoǵamdyq jáne otbasylyq qundylyqtarǵa mán berý, áleýmettik jeli arqyly keletin qaýip-qater, din men dástúr úılesimi, jat aǵym ókilderimen jumys jasaýda qarapaıym jáne túsinikti tilmen dıalog júrgizý, din salasyndaǵy basqa da bilikti mamandarmen áriptestik baılanys ornatý, jat aǵym ókilderine zań aldyndaǵy jaýapkershilikti eskertý, olardyń tarapynan keletin suraqtarǵa ashyq bolý sekildi máseleler tóńireginde túsindirý jumystaryn júrgizdi. Jıyn sońynda ımamdar ózderin qyzyqtyrǵan saýaldaryn joldap, tushymdy jaýaptar aldy.

Источник: Aisha