«ÁS-SÁLAM» MEShITINDE JASTARǴA QOI ETIN JILIKTEÝ KÓRSETILDI (FOTO)

«Ás-Sálam» meshitinde quptan namazynan keıin erekshe rýhanı ári tárbıelik mańyzy bar is-shara uıymdastyryldy.

«Atalar mektebi» jobasy aıasynda meshitke jınalǵan jas jamaǵat ókilderine qazaqtyń kóneden kele jatqan asyl dástúrleriniń biri – qoıdy múshelep bólý óneri tanystyryldy. Is-sharaǵa arnaıy shaqyrylǵan qurmetti aqsaqal, meshittiń alqa múshesi Qaıyrbek Shámshiuly jastarǵa qoıdy jilikteýdiń qyr-syry men tereń maǵynasyn túsindirip, is júzinde kórsetti.

Qaıyrbek aqsaqal qoıdyń árbir múshesiniń ataýy men onyń qandaı tabaqqa qalaı bóliný kerektigi jóninde keńinen áńgimelep berdi. Ol sondaı-aq maldyń bezderi men tamyrlaryn qalaı ajyratyp alatynyn, bul is-árekettiń sharıǵattaǵy jáne salt-dástúrdegi mańyzyn túsindirdi. Jastar qoıdy durys músheleý, bezderin tazartyp daıyndaý jáne ár tabaqtyń kimderge arnalatynyn (úlkenderge, qurmetti qonaqtarǵa, jastarǵa) qalaı eskeretinin muqııat tyńdap, tájirıbe barysynda ózderi de qoldarymen jasap kórýge múmkindik aldy.

Bul ıgi bastama jastar arasynda umytylyp bara jatqan ulttyq dástúrlerdi jańǵyrtýǵa, ári olardyń ata dástúrge degen qurmetin arttyrýǵa baǵyttalǵan mańyzdy qadam. Is-shara sońynda aqsaqal jastarǵa bata berip, ata-babalarymyzdan qalǵan asyl muralardy saqtap, bolashaq urpaqqa jetkizýge shaqyrdy.

Источник: Aidos