«AQ MESHIT» MEShITINIŃ JASTAR ISI SEKTORY RÝHANI-MÁDENI IS-ShARA ÓTKIZDI (FOTO)

«Aq meshit» meshitiniń bas ımamy Dáýren Mýslımovtiń qoldaýymen jáne  Astana qalasy ókildigi Jastar isi sektorynyń «Aq meshit» meshiti boıynsha jaýapty ókili Álim Jaqyptyń uıymdastyrýymen erekshe rýhanı-mádenı is-shara ótti.

Maqsat – jastar arasynda din men dástúr sabaqtastyǵyn dáriptep, ulttyq qundylyqtardy nasıhattaý. Is-shara aıasynda meshit jastary atqa minip, qazaqtyń ulttyq oıyndarynan saıysqa tústi. Arqan tartý, láńgi tebý, sadaq atýdan ózara básekege túsip, eptilikteri men birlikterin synady.

Jarys sońynda jeńimpazdarǵa syı-sııapattar tabystalyp, barlyq qatysýshylarǵa alǵys aıtyldy. Sonymen qatar meshit jamaǵaty men jastarǵa arnap birlik pen yntymaq taqyrybynda taǵylymdy ýaǵyz-nasıhat júrgizildi.