Almaty óńirinde qudyq el ıgiligine berildi (FOTO)

Qazaqstan musylmandary dinı basqarmasynyń 30 jyl mereıtoıyna oraı «30 jyldyqqa 30 ıgi shara» aıasynda Almaty oblysy, Ile aýdanynyń Jápek batyr aýylynda qudyq qazylyp, el ıgiligine berildi.

Igi sharaǵa QMDB-nyń «Qaıyrymdylyq jáne ýaqyp isteri» bóliminiń meńgerýshisi Kamaljan Turdybaev, Almaty óńiriniń bas ımamy Qýanysh Narjanov, Ile aýdanynyń bas ımamy Táńirbergentegi Darhan jáne din janashyrlary qatysty.

Alǵy sózdi bastaǵan Kamaljan qajy Bekbosynuly jınalǵan qaýymǵa QMDB-nyń tóraǵasy, Bas múftı Naýryzbaı qajy Taǵanulynyń sálemin jetkizip, «Halyq ıgiligine shyǵarylǵan sýmen qanshama adam shólin qandyryp, ǵıbadatyn óteıdi. Osy qudyq sýalyp qalǵanǵa deıingi saýaptar amal dápterlerińizge jazylǵan bolsyn!» dep yqylasyn bildirdi.

Almaty óńiriniń bas ımamy Qýanysh Baqytbekuly osy ıgi sharaǵa belsendilik tanytqan ımamdar jáne demeýshilerge alǵysyn aıtyp, Almaty óńirinde osyndaı ıgi sharalar jalǵasatynyn jetkizdi.