Almaty meshitteri jumysyn bastady (FOTO)

30 mamyrdan Almaty qalasynyń Bas memlekettik sanıtarııalyq dárigeri Jandarbek Bekshınniń tótenshe jaǵdaıdan keıingi Almaty qalasyndaǵy dinı obektilerdiń qyzmetine qoıylǵan shekteýlerdi alyp tastaý tártibi týraly aıtqan №32-qaýlysyna sáıkes, Almaty qalalyq meshitteri osy qaýlynyń 1-qosymshasynda kórsetilgen arnaıy nusqaýlyq negizinde jáne kúsheıtilgen sanıtarlyq-dezınfektsııalyq rejıminiń talaptaryn qatań saqtaı otyryp jumysyn bastady. 

Sondaı-aq, atalǵan qaýlyǵa sáıkes, meshitterde jamaǵat (bes ýaqyt namaz, juma namazy) namazdary oqylmaıdy, tek jekelegen túrde 1,5 metr qashyqtyqty saqtaı otyryp namaz oqýǵa, duǵa etýge ruqsat etiledi.

Qurmetti qala turǵyndary, qadirli jamaǵat!

Sizderdi Almaty qalasynyń Bas memlekettik sanıtarııalyq dárigeriniń №32-qaýlysynnyń 1-qosymshasynda kórsetilgen nusqaýlyǵyna qulaq túrip, ondaǵy árbir tarmaqpen jiti tanysyp shyǵýǵa jáne meshitterde engizilgen jańa talaptar men saqtyq sharalaryn qatań saqtaýǵa shaqyramyz. 

Alla Taǵala qulshylyqtarymyz ben izgi nıetimizdi, el amandyǵy men jurt tynshytyǵy úshin qylǵan duǵa tilekterimizdi qabyl etsin. Ámın! 

Almaty qalasynyń Bas memlekettik sanıtarııalyq dárigeriniń 28.05.2020 j. №32-qaýlysyna 1-qosymsha

 COVID-19 karantın kezeńinde dinı obektilerdiń qyzmeti týraly NUSQAÝLYQ

1. Dinı obekt ákimshiliginiń buıryǵymen (budan ári – obekt) COVID-19 karantın ýaqytynda obektide aldyn alý is-sharalaryn saqtaýǵa jaýapty tulǵa bekitilsin.
2. Jaýapty tulǵa jumys (aýysym) bastalar aldynda baılanyssyz termometrlerdi (teplovızorlardy) paıdalana otyryp, qyzmetkerdiń kúndelikti termometrııasyn júrgizip, nátıjesin qaǵaz nemese Elektrondyq tasyǵyshtarda tirkesin.
3. Respıratorlyq ınfektsııanyń kez kelgen belgileri bar (temperatýranyń kóterilýi, jótel, tamaqtyń aýrýy, tynys alýdyń qıyndaýy)  dinı qyzmetshini jumysqa jibermeý jáne ınfektsııa sımptomdary anyqtalǵan nemese paıda bolǵan jaǵdaıda jedel medıtsınalyq járdem brıgadasyn shaqyrý qajet.
4. Obektige kelýshilerdiń termometrııasyn júrgizý úshin baılanyssyz termometrler (teplovızorlar) qoldanylsyn.
5. Dinı qyzmetshilerdi bir rettik qoldanylatyn medıtsınalyq maskalar qorymen (jumys aýysymynyń uzaqtyǵy men 3 saǵatta 1 retten kem emes maskalar aýysýyn eskere otyryp), sondaı-aq bir rettik qoldanylatyn qolǵaptarmen (aýysymda 2 retten kem emes jáne tutastyǵy buzylǵan kezde aýystyrýǵa jatatyn), qoldy óńdeýge arnalǵan teri antıseptıkterimen qamtamasyz etsin.
6. Obektide paıdalanylǵan jeke qorǵanysh quraldaryn (qolǵap, maskalar) jınaıtyn konteıner jabdyqtalsyn. Konteınerdi mamandandyrylǵan uıymdar qaýipsiz medıtsınalyq qaldyq retinde (turmystyq qatty qaldyqtar sııaqty) polıgonǵa shyǵarady.
7. Kórinetin jáne qoljetimdi oryndarda (kireberiste, sanıtarııalyq toraptarda, qudaıǵa qulshylyq etýge arnalǵan úı-jaılarda, dáret alýǵa arnalǵan jáne dinı maqsattaǵy zattardy taratýǵa arnalǵan bólmelerde) kelýshilerdiń qolyn óńdeýge arnalǵan sanıtaızerler ornatsyn. Qoljetimdi jerde koronavırýsty ınfektsııanyń aldyn alý taqyrybyna jadnamalar ornalastyrsyn.
8. Dinı ǵımarattarǵa (qurylystarǵa) kelýshilerdiń kirýin mindetti túrde maska («maskalyq rejımniń» saqtalýy) bolǵan jaǵdaıda ǵana qamtamasyz etsin.
9. Dinı qyzmetshiler mindetti túrde maskalar men medıtsınalyq qolǵaptar kıip júrýge tıis.
10. Dinı ǵımarattarǵa (qurylystarǵa) kiretin esikter ashyq bolýy tıis.
11. Dinı ǵımarattarda (qurylystarda) tek jeke tártippen, keminde 1,5 m. qashyqtyqty saqtaı otyryp, duǵa jasaý múmkindigin uıymdastyrsyn.
12. Dinı rásimderge qatysatyn adamdardyń jalpy sany 30-ǵa deıin  shektelsin.
13. Dinı ǵımarattarda (qurylystarda) jáne olarǵa bólingen aýmaqta, qulshylyq etý oryndarynda, dinı birlestikterdiń mekemeleri men úı-jaılarynda, turǵyn úıler men qoǵamdyq tamaqtaný obektilerinde ujymdyq túrde qudaıǵa qulshylyq etýdi, dinı rásimderdi, joralar men jınalystardy ótkizýden bas tartsyn.
14. Kelýshilerdiń dinı ǵımarattarda (qurylystarda)  bolý ýaqyty 15-20 mınýtqa deıin reglamenttelsin.
15. Dinı ǵımarattarda (qurylystarda) antıseptıkterden basqa qandaı da bir suıyqtyqtardy paıdalanýǵa tyıym salynsyn.
16. Aýanyń temperatýrasy men ylǵaldylyǵynyń ońtaıly jaǵdaılaryn qamtamasyz etý úshin aýa ortasyn jeldetý jáne kondıtsıonerleý júıelerine (tazalaý, jýý, zararsyzdandyrý, súzgilerdi aýystyrý jáne t.b.) tekserý júrgizýdi qamtamasyz etsin.
17. Úrmeli-sormaly jeldetý júıesimen jabdyqtalmaǵan úı-jaılardy kúnine keminde 15 mınýttan  5 retke deıin jeldetý qamtamasyz etilsin.
18. Qajettilik kólemine qaraı zararsyzdandyrǵysh, jýǵysh quraldarynyń, suıyq sabynnyń, teri antıseptıkteriniń, shúberekterdiń jáne jınaý múkámmalynyń azaımaıtyn qory qamtamasyz etilsin.
19. Dinı ǵımarattardyń (qurylystardyń) úı-jaılaryn qoldaný jónindegi nusqaýlyqtarda vırýstyq ınfektsııalar kezinde obektilerdi zararsyzdandyrý rejımderi kórsetilgen, qoldanýǵa ruqsat etilgen jáne tirkelgen zararsyzdandyrǵysh quraldaryn paıdalana otyryp, mynadaı jıilikpen: sanıtarııalyq toraptar (eden, sanıtarııalyq-tehnıkalyq jabdyqtar, onyń ishinde krandardyń shuralary, ýnıtaz bóshkeleriniń sý aǵyzatyn jeri) men súıenishter kúnine 3 ret óńdep ylǵaldy jınaý júrgizilsin.
20. Zararsyzdandyrǵysh zattar óndirýshi kásiporynnyń qaptamasynda, arnaıy bólingen qurǵaq, salqyn jáne qarańǵylanǵan, balalardyń qoly jetpeıtin  jerde tyǵyz jabylǵan túrde saqtalsyn. Zararsyzdandyrý is-sharalaryn jáne kezdeısoq ýlaný kezindegi alǵashqy kómekti júrgizý kezindegi saqtyq sharalary árbir naqty  zararsyzdandyrǵysh zattar úshin olardy qoldaný jónindegi nusqaýlyqtarda kórsetilgen.
21. Tehnıkalyq personal (eden jýýshylar) zararsyzdandyrǵysh zattardy qoldana otyryp aǵymdaǵy ylǵaldy jınaýdy jeke qorǵanysh quraldaryn (halat, qolǵap, medıtsınalyq maska) paıdalana otyryp júrgizsin. Zararsyzdandyrǵysh zattarmen jumys isteýge densaýlyq jaǵdaıy boıynsha qarsy kórsetkishteri joq kámeletke tolǵan  adamdar jiberilsin.
22. Irgeles aýmaqty zararsyzdandyrý táýligine keminde 1 ret júrgizilsin.
23. COVID-19 koronavırýstyq ınfektsııanyń aldyn alý boıynsha is-sharalardy uıymdastyrýǵa jáne júzege asyrýǵa obektiniń ákimshiligi jaýapty.