ZEINELABDIN TAGIEVTIŃ 100 JYLDYQ KELISIMI
XIX-XX ǵasyrda ómir súrgen Zeınelabdın Tagıev esimdi ázirbaıjan baı bolǵanda da, zamanynda alǵashqylardyń biri bolyp munaı óndirgen, meshitter men ártúrli mádenı ǵımarattar salǵyzǵan, talaı jaqsylyqtyń basynan tabylǵan mıllıoner edi.
Birde ol Germanııanyń bir qalasyn aralap júrip, ádemi bir meıramhanaǵa kiredi. Saqaly bar, ózgesheleý kıingen azıatqa eshkim mán bermeıdi, tipti daıashy da kele qoımaıdy. Zeınelabdın qajy birazdan soń, daıashyny ózi shaqyrady, biraq onysynan da nátıje shyqpaıdy. Bolmaǵan soń qajy meıramhanadan shyǵyp, óz jónine ketedi.
Kóp uzamaı meıramhananyń ıesi óte qurmetti qonaq kelip, ony jumyskerleri tanymaı, renjitip jibergenin biledi de, Tagıevke adam jibertip, shaqyrtyp, arnaıy dastarqan jaıdyrady. Sonda Zeınelabdın qojaıynnan:
«Myna bir ústeldi bir saǵatqa alsam, qansha tóleýim kerek?» dep suraıdy. Ol baǵany aıtady. Zeınelabdın endi ústeldi bir kúnge, bir aptaǵa, odan soń bir aıǵa alýdyń baǵasyn suraıdy. Odan bir jyldyń, on jyldyń, aqyr aıaǵynda júz jylǵa jalǵa alýdyń baǵasyn aıtqyzady. Sóıtedi de:
– Osy ústeldiń júz jyldyq aqshasyn tóleımin, meıramhanańyzdyń esigin qaqqan kez kelgen musylmandy osy ústelden tegin tamaqtandyrasyz, – deıdi. Qojaıyn kelisedi.
Bul 1911 jyl eken. Al, 2011 jyly Germanııa elshiligi Ázirbaıjanǵa hat jazyp, júz jyldyq kelisimniń aıaqtalǵanyn baıandaıdy. Jáne de sóz aıaǵynda:
«Taǵy da osyndaı kelisim jasaıtyn baılaryńyz bolsa, tapsyrys qabyldaýǵa daıynbyz» dep ázildepti. Qojaıyn men onyń urpaǵy ýádede turyp, júz jyl boıy kelgen musylmandardy ultyna qaramaı, Zeınelabdın Tagıevtiń esebinen tamaqtandyrǵan eken.
Osy Tagıev HH ǵasyrdyń basynda shyqqan bizdiń "Qazaqstan" degen gazetke demeýshi bolǵan eken.
