TILEK SÓZINIŃ MÁN-MAǴYNASY QAQYNDA

Qazaq toı-jaqsylyqta tilek aıtady. Jalpy halqymyzdyń bolmysyna bitken jaqsy bir qasıet osy tileýqorlyq, tilekshi bolý, tilek aıtý.

Endi osy tilek sóziniń mán-maǵynasyna qaraıyqshy, astaryna úńileıikshi. Óz basym mynany uqtym.

Tilek sózi: TIL men EK eki sózdiń qosyndysynan týǵan mán. Onyń máni adamnyń adamǵa, ne adamdarǵa jaqsy sózin sarqyp, jan júreginiń shýaǵyn tógýi. Bir adam bir adamǵa baqytty otbasyly bolýyn, tipti jańa úıli-kúıli (onyń ishinde at kóligin, dúnıe dáýletin de), sábıli bolýyn tileıdi, ıaǵnı Tilimen egedi.

 Til-Ektiń maǵynasy tilimizben áli shyqpaǵan nyǵmetti bos keńistikke, aýa deıtin alyp alqapqa egemiz. Sol tilegimizdi qudireti kúshti Alla qabyl etse, kóp pe, az ba, belgili bir ýaqyt ótkennen keıin álgi aıtqan, aqtaryp salǵan aq jarma tilekterińiz oryndala bastaıdy, aýadaǵy aılapat alqaptaǵy eginjaı pisip, dáni tilek estýshiniń basyna qut-bereke bolyp tógilip, baqyt qusy qonyp, ómiri ózgere túsedi. Mańyzy osy!

Máni - tilmen egilýi, mańyzy sol tilmen egilgenniń júzege asýy! Osylaı qazaq tilek aıtqan, áli aıtady.

Sebebi tilek sózsiz oryndalatyn, ıaǵnı sózdiń zatqa, materııaǵa aınalatyn alǵy sharty.

Árıne, tilek aıtýshy men ony tyńdaýshy rýhanı jaǵynan taza bolsa, onda bul ǵajap qubylys!

 Qazaq bekerden beker sóz aıtpaǵan, ár is-áreketiniń ataýy da mán men mańyzǵa ıe. Ony árıne, Táńiri tańdaıyna salǵan, kókiregine túsirgen, júregine jazǵan.

Tilek týraly meniń óz túsinigim osyndaı.

Munaıdar BALMOLDA