TAIJAN BIDIŃ BOLJAMY
18 ǵasyrdyń sońynda Kishi júzde Taıjan bı degen bolǵan eken. Jasy 80-nen asqan shaǵy bolsa kerek, el azamattary jınalyp, Taıjekeńe: «Aqyrzaman degen ne?» degen saýal qoıady.
Sonda Taıjan bı saýaldaryna oılanbastan jaýap bergen eken.
- «Adam azady, jer jyrtýmen tozady. Sózde baılaý bolmaıdy, ony uzaq sózben sozady. Adamnyń jaqsysy ketip, jamany qalady. Jylqynyń júırigi ketip, shabany qalady. Kóldiń sýy ketip, tabany qalady. Kóp aqyl aıtar adam shamaly qalady.
Ár taraptan el bolady. Úlkenniń tilin kishi almaıdy, jón biletin aqyldy adam bolsa, onyń sózi tyńdalmaıdy. Jeńildikke salynyp, ózin-ózi qorlaıdy. Ul atadyn bólinip úı bolady, kúnde pátýásiz jıyn bolady, tartqany dombyra, syrnaı, kúı bolady.
Eri qaltasyna aqsha salmaıdy, áıeli bazardan qalmaıdy. Termen tapqan eńbegińizdiń berekesi bolmaıdy. Ishkeni sharap, boıyna juqpaıdy. Qonaqasyny jaqsy bergen úıden tóbelespeı shyqpaıdy. Álgige aqyl aıtsań, balaǵattap boqtaıdy.
Áıeli táýirdiń sharýasy túzeledi, áıeli jamannyń úıi kúızeledi. Kóılekti sholaq, dambaldy qysqa kıedi. Borbaıy jyltyldap kórinip júredi. Adam azǵanda ar-uıat qalmaıdy, atanyń tilin bala almaıdy. Qudaı sanasyna bermese, ony túzep bolmaıdy» - depti.
Jıǵany temir bolady,
Jaqqany kómir bolady.
Qulshylyq joq jaıbaraqat,
Kelte sholaq ómir bolady.
Beı-bereket shashý bolady,
Ashytqan sýdan asy bolady.
Adal – aramdy bilmeıdi,
Azǵan degen osy bolady.
Etti, maıdy tamaq demeıdi,
Sharapsyz as jemeıdi.
Jasy jetken kórer,
Odan arǵysyn bile almadym,
Jaratqan ıem ózi biler!» - degen eken.
