TÁKKÁPPAR BOLMAŃYZ...
Tákapparlyqqa baılyǵynyń, teginiń, mansabynyń, dene bitiminiń, kórkiniń, kúsh-qýatynyń kóptigmen, aqyl-oıynyń artyqshylyǵyna, biliminiń kóptigine maqtanyp, astamsyný sııaqty menmendik qasıetter jatady.
Ǵalymdar: Egerde jasy úlken kisi, ózin men jasym úlkenmin dep, basqalardy ózinen kishi depte ózin joǵary sanaý bolsa, olda tákapparlyq degen, mysalǵa onyń jasy kishi, nege menimen Mama kelip amandaspaıdy deý.
Paıǵambar (s.a.s.) bylaı deıdi: «Ýa, adamdar! Senderdiń barlyǵyń da Adam atanyń urpaqtarysyńdar! Al Adam topyraqtan jaratyldy.
Ata-babalarymen maqtanatyndar ondaı qylyqtarynan tyıylsyn, bolmasa olar Allanyń aldynda qı qońyzdarynan da tómen dárejege dýshar bolady». Bazzar rıýaıat etken hadıs
Tákapparlyqtyń bıik shyńy, ózińdi ózgeden bıik sanaý. Ózgege joǵarydan, kókirekti kerip sóıleý.
Adamdy mensinbeý, adam qurly kórmeý, keketip, muqatyp kemshiligin betine basyp, sózben jandy jerin shymshyp otyrý, qysqasy, ózińdi zor, ózgeni qor kórip isteıtin is-árekettiń bári - tákapparlyq bolyp sanalady. Tákapparlyq- qýys keýdeden paıda bolady. Tákapparlyq - bul jaman qasıet!
Adam dúnıege kelgende tákappar bolyp týylmaıdy. Adam týylǵanda taza, pák kúıinde bolady.
Tákapparlyq- adam balasyna joldan jabysatyn minez. Bir-eki belesterdi baǵyndyrǵan kezde, bir jumystaryń órge domalaǵan kezde, jolyń ashylyp, armandaǵan armandaryńa, alǵa qoıǵan jospar, maqsattaryńa jetken kezde, bir kisilerde tákapparlyq minez paıda bolady.
Bárine ózim jettim, óz qolymdy óz aýyzyma ózim jetkizdim dep, kókiregin ura bastaıdy. Negizinde olaı emes ekenin, Allanyń bergen baǵy, syıy, nesibesi ekenin umyt qaldyrady.
Pende bolǵan soń, adam ózgerip otyrady. Bir kóńil kúıge, bir Emotsııaǵa, bir jaǵymdy sátterge baılanysty adam ózgerip otyrýy zańdylyq. Desek te, tákappar bolyp ózgerýden aýlaq bolǵanymyz jón.
Óıtkeni, tákappar bolǵanyń - Allany umytqanyń! Menmensigen júrekten ıman ketedi. Tákapparlyq jaıly sóz qozǵaǵanda, Abaı atamyzdyń sózi oıǵa oralady.
Adam - bir boq kótergen boqtyń qaby,
Boqtan sasyq bolasyń ólseń taǵy.
Menimen sen teń be dep maqtanasyń,
Bilimsizdik belgisi-ol baıaǵy.
Maqsat SQAQOV
